【支付寶充值神技!】信用卡俾錢免手續費！仲可以賺埋回贈/積分！

近排小編成日都要用支付寶買野，因為之前有大陸銀行戶口所以一路都無認真研究alipayHK既玩法，其實alipayhk係長和+支付寶合作搞，結算貨幣係港紙，所以玩法同大陸支付寶有d唔一樣，最唔好既地方就係假如你係link落信用卡度俾錢: 係要比手續費!

(除左某d銀行既雙幣卡) (而某間銀行既服務態度實在太差，差到另一個小編連卡都未拎就cut左)

俾大家睇下我既餘額係咩慘況

今次既操作需要一個朋友，或者多一個電話號碼 假如你同朋友都互相需要充值，咁就可以一齊賺分一齊買了~

充值開始!

1. 首先要係首頁揀轉帳

2. 之後輸入你朋友/你另一個account既電話號碼/登記電郵

3. 輸入金額

4. 輸入信用卡資料，會看到免手續費的欄目! 至於用哪一張信用卡就要自行決定了，因為部分信用卡已經封左蝕本門，充值PAYME/支付寶係唔會有分，但小編用既非藍籌銀行現金回贈卡就有既~

5. 輸入密碼

6. 完成!

為朋友充完值之後，就可以叫朋友過番D錢比你，或者叫佢幫你充值賺分~不過一個月係有入錢限制，所以都係唔好淘咁多寶了~同埋唔好齋沖值唔洗錢，因為依家儲值支付工具都捉得好嚴，會BAN D齋賺分唔用既ACCOUNT，以PAYME為例之前就有FD子因為淨係充值，充完即刻過數入戶口唔使用，之後就被BAN左ACCOUNT了:( 所以大家都適可而止地使用喇~ PS如果實名認證左，係可以將餘額過番戶口，不過都要預番唔係即時過到數，APP寫明係4個工作天內可以轉到入戶口~